1. Uyni konditsioner yordamida isitishdan oldin uning imkoniyatlari yozilgan qo‘llanma bilan sinchiklab tanishib chiqish lozim. Agar imkoniyatlari bunga yo‘l bersa, undan bemalol foydalanish mumkin.

2. Ayrim konditsionerlar isitish uchun mo‘ljallanmagan, ular faqat sovitadi yoki isitish imkoniyatlari cheklangan bo‘ladi. Lekin elektr isitgichlarga qaraganda, energiyani ancha kam sarflaydi, uy ichini tez va sifatli isitadi.

3. Konditsioner issiqlikni uy ichining burchak-burchaklarigacha haydab beradi. Masalan, konditsioner 1000 Vatt elektr energiyasi hisobiga 3600 Vatt energiya beradigan issiqlikni hosil qilishi mumkin.

4. «Yoz-qish» tizimidagi konditsionerlarning aksariyatini «Isitish rejimi»da ishlatsa bo‘ladi. Ammo ularning imkoniyatlari darajasiga e’tibor qaratishni ham unutmaslik kerak.

5. Ayrim konditsionerlarning qo‘llanmasida havo harorati -5 darajadan past bo‘lmasa, isitish uchun ishlatish mumkinligi keltirilgan.

6. Ba’zi inventorli konditsionerlarni havo harorati -15 daraja bo‘lsa ham «Isitish rejimi»ga qo‘ysa bo‘ladi. Lekin bundan past haroratda uni ishlatmagan ma’qul.

7. Hozirgi zamonaviy konditsionerlar ikki: tashqi va ichki blokdan iborat. Havo harorati juda past bo‘lsa, tashqi blok va drenaj quvurlari muz bilan qoplanadi. Natijada ventilyator ishdan chiqib, ichkariga issiqlik berish keskin pasayib ketadi.

8. Sovuq havoda xladagent moddasi quyuqlashib ketishi natijasida kompressor buzilishi mumkin. Konditsioner yordamida uzoq vaqt uy ichini isitish undagi detallarning tez yeyilib-eskirishi va ishdan chiqishiga olib keladi.