Jonim meni,dafn et jonim,

Qondoshdan yo’q dilni umidi.

Qo’nmoqdadir shafaqqa qonim,

Taralmoqda o’limning hidi..!

Men ham edim,seningdayin to’q,

Yashar edim halovat-la jim.

Bugun esa murdaman sovuq,

Kaftlarimni silamas hech kim..!

Dafn etgin edi bemalol,

Yuragingdan ko’chirib ismim,

Bu jasadim kelmasdan malol,

Tuproqqa ber..!beqaror jismim..!

O’t yo’q endi,olov yo’q olov..!

Yoqolmasman ko’ngling qatini,

So’zlarga hech berolmam aldov,

Ot gulhanga sevgim satrini..!

Kechir endi anduhlar uchun,

Dillaringni og’ritganim-chun.

Tasalli yo’q..yuzimda sukun..

Jim yotaman poyingda bugun!

Qo’lingni bos bu majruh tanga,

O’ra uni tunga zimziyo.

Tutganingcha harir tumanga,

So’nggi bora aylagin duo.

Duo qilgin toki hech kimsa,

Hayotidan erta kechmasin.

Anduh nomli quduqda tashna,

Ajallardan sharbat ichmasin..!

Toinki men,bir sho’rlik inson,

Mangulikda orom olay jim..!

Men ketarman sen qolgin shoyon,

Muzlab qolgan bahorim manim..!